MATA BHAJAN

-------------------💐 *दोहा* 💐--------------------

छोटड़ियो धाम बड़ो, बड़ी है करनल माय। 

पोती तणी करूँ रक्षा, आऊँ पहर एक माय।।

      

                       💐 *चिरजा* 💐

छोटड़ियो धाम सुहावणों म्हारी रँगथळ राय ।

भाळो लागे थारो देश करनल माय ।।( टेर )

राजस रसना रास रमे, रँग सिरजण माय ।

चहूं दिस छाई सकँळाय अम्बे माय ।। 1

जीवराज भूप सा जाणं मनड़े भाया महमाय ।

सांपु रो रचायो सरपण साख, अम्बे माय ।। 2

जुनी काटी मया जैळड़ी बण सवळी आय ।

मान बढ़ायो महिपाळ अम्बे माय ।। 3

साद शगत सुण आवियां, झट उड़ म्हारी माय ।

पोती रो सारियो धिन काज अम्बे आय ।। 4

आय शगत झठै बैठियां खैजड़ी री छाय ।

नाम दियो माँ करणैत अम्बे माय  ।। 5

दीन दयाळी दास री, बिड़दाळी मम माय ।

धिन धिन मोटो धिणियाप अम्बे माय ।। 6

चिरजा कथूं नित आपरी, आऊँ दर्शन ताय ।

गणेश लिखे चरणां बैठ अम्बे माय ।। 7

                             *गणेश दान बीठू RPF*

                             *सींथल, बिकानेर*